انا مع التغيير
بس ضد اهانه الرئيس
قلناله ارحل
بس كبريائه مش هيخليه زى بن على
قال مش نازل انتخابات وهعدل الدستور
...بجد طلع رجل محترم جدا وقال انه افنى حياته فداء لمصلحه مصر والوطن وسوف يموت فى مصر
عايزين ايه تانى....؟؟؟
بصراحه ياجماعة انا مش قادره اصدق اللى بيحصل فى مصر ده
كنا متوقعين ان المظاهرات هتهدى بعد الخطاب الاخير للرئيس مبارك
وحصل فعلا انسحاب لبعض الشباب السلميين من المظاهره بعد سماع هذا الخطاب
لكن...من جهه اخرى انقسم المتظاهرين الى فريقين فريق مؤيد لمبارك وفريق ضده
وحصل ضرب بينهما وحدث ما لا يمكن نتخيله وهى حرب اهلية وسقوط العديد من الجرحى والقتلى وما زالت هذه الحرب مستمره حتى الان من غير اسباب واضحه
مش عارفه ليه بنخلى الدول الاخرى واعدائنا يشمتوا فينا ؟؟؟
مش معقول دول مصريين اكيد بلطجيه او خونه يريدون ان يزعزعوا الامن وانتشار الفوضى
وبداو الان فى تحطيم الممتلكات العامه والخاصه وسرقتهم...
لكن انا متاكده ان دول مش شباب مصر
الي كل مصري رجل او امراة شاب او شابة طفل او طفلة مسلم او مسيحي ارجوكم ارجوكم اوقفوا هذة المظاهرااااات لا للتخريب يا شعب مصر كفاية تخريب و دمار و موتي ارجوكم ارجوكم لازم نهدا و نفكر في مستقبل مصر احنا في دمار و خراب و لازم نصلح الي خربناه ...
ربنا يستر على مصر وعلينا الايام القادمة...
