مش قادر أبعد عنك يااارب ..
بعمل ذنوب كتير واتوب بعدها ,وارجع اعمل ذنوب تانى .بس انت رحيييييم يااارب ..
نفسى اتوب وابقى مخلص بجد وعاوز الاخره مش الدنيا ..
عاوز ابقى متعلق بيك انت وبس يارب ...مسألش حد غيرك ,ومطلبش من حد غيرك .
انا واثق ان طريقك الى بيمشى فيه مبيندمش ..
....نفسى امشى على طريقك ومبعدش عنه ..نفسى ابقى من احب عبادك اليك ..
نفسى تبقى راضى عنى ..
نفسى ابقى مش خايف من عقابك على ذنوبى الى لو حد عرفها محدش هيبصلى ولا هيكلمنى واقرب الناس هيكرهونى .. انت ساترنى يارب وانا بعصيك ...
نفسى الاقى صحبه صالحه ترضيك عنى ويعينونى على طاعتك ..
نفسى قبل الفجر ادعى واتفتح فى البكااااء واشكيلك حالى كله يااارب...
.نفسى لما يجى اسم الرسول عليه الصلاه والسلام قلبى يبكى قبل عنيااا عشان هو بكى عشانى ..
يارب انا نفسى فى حجات كتيره قوى كلها ترضيك ..
.يمكن مش قادر اعملها كلها واوصلها بس انت يارب كريم وهتعينى .وانت قلت من تقرب الى شبرا تقربت اليه ذراع ..
انا هقرب وابتدى يارب ..انا هقوم من انهارده اصلى ركعتين توبه وهصلى ركعتين قيام ليل لانك بتحب عبادك الى بيصلو بليل .. وهصلى على رسولك اكتر من الف مره وهستغفر لحد ماانام عشان تقبلنى وتسامحنى ياارب .
بجد انا عاوزك يارب .متسبنيش يارب ..
