mR_____naAgY
مــراقــب قـسـم الادب و الـفـنـون
عدد المساهمات : 95
تاريخ التسجيل : 25/02/2011
العمر : 33
 |  موضوع: اسمى في الجنه يناير الثلاثاء مارس 08, 2011 5:34 pm | |
|
اسمى في الجنه يناير
عاصى وكلى ذنوب من ساسى لراسي
والدنيا بره تنقلب وانا مالى
وانا عمرى كنت سياسي !!
تعرف حياتى ماشيه ازاى ؟ إذا كنت أنا مش عارف
باكل
واشرب
وانام
واصحى
وانا ع النت
قدامى كباية الشاى.. وع الميل معايا البت
دخان سيجارتى يتحرق
والعمر منى بيتسرق
ما يتسرق ...مانا بردو مش خايف
مانا اصلى مش شايف
والعمر شئ زايف
وف مره جاتنى رساله فيس بوك
وانا كالعاده قلبتها
ماهو اصل دى عيال سيس .... بؤ!!!
كلمة بزياده سمعتها
بس انا فاضي فتحتها
ثورة بكره والشباب كله ثاير
لازم تقول لأ..لازم تكون غاير
ضحكت ضحكه عاليه
ياعم دى دماغ عاليه
بيقولك ثوره...هأ هأ.. دى فيها أمن دوله
هى العيال دى فاضيه ولا الغزاله رايقه
ولا ده داء شهره..ولا تكون فرطه!!
اله...ده بكره عيد الشرطه
يعنى اللى هيتمسك غاير غاير
انا قولت اكبر
عيال وبكره تكبر
ما علينا انا اصلى نمت
وتانى يوم حلمت
البيت بيتمرجح من صوت هز الحيطان
دى مظاهره وهتنجح خليك فوق جبان
بحلم وانا مفتح ..اكيد انا عيان ده جنان
لكنى مش نايم ..دى حقيقه وعزايم
حسيت احساس غريب لاول مره احسه
لكن وس الشيطان ما سلمت من وسه
قالى خليك هنا دى عيال واتوزوا
لكن احساسى جميل وكان اقوى
هو انا امتى افوق...واكون اقوى
أيها الجلاد مهلاً فأنا بشر
لِمَ كل هذا الظلم ولِمَ الشر
فحبي لها في كل جنباتى قد انتشر
لا تعتر ِ زى النيل ولا تـُصِر
فهذى أمٌ أرضعتك حنانها.. وانا ابنها
انا ابن مِصر
بين الحشود بهتف والصوت بيتعالى
وحريمنا قدامنا تقولشي رجاله
ثورة غضب من غير غضب
ثورة غضب من غير شغب
يالا العجب
كان الرصاص يضوى وفي الهوا حاير
ومدراعات تبطش تدهس على الساير
والقنابل والعساكر
والعصايه والمجازر
وانا وحيد اعزل وكل ذنبي...ثاير
طب ليه بقيت ثاير...وليه بتتثاير
لكنى مش همى
هم البلد همى
وبروحى وبدمى ..هفديكى يا غاليه
وادوس على الجاير
ضم الرصاص صدرى
والضحكه على خدى
من الجنه يا بلادى وللجنه انا طاير
ما تعيطيش يامه ولا تزعلى عليا
وقولى لاخواتى.....ولكل ثاير
اسمى في الجنه يناير
بقلم: ناجى نعيم
| |
|
NONO
الــمــديــر الــعــام
عدد المساهمات : 290
تاريخ التسجيل : 02/12/2010
العمر : 34
الموقع : WWW.arts-zag.TK
| | موضوع: رد: اسمى في الجنه يناير الثلاثاء مارس 08, 2011 10:30 pm | |
| دائما مبدع ومتميز يا ناجي | |
|
دنيا
مشرفة الفرقة التانية تاريخ
عدد المساهمات : 43
تاريخ التسجيل : 10/02/2011
العمر : 32
| | موضوع: رد: اسمى في الجنه يناير الثلاثاء مارس 08, 2011 10:41 pm | |
| جميله جدا والف مليون شكر لكل الشباب الى خرجوا الى الثوره
بجد اجدع شباب فى العالم
| |
|
همس الروح
professional
عدد المساهمات : 346
تاريخ التسجيل : 02/11/2010
الموقع : WWW.arts-zag.TK
| | موضوع: رد: اسمى في الجنه يناير الثلاثاء مارس 08, 2011 10:45 pm | |
| اسمى في الجنه يناير
جميل جداااااااااااااااااا
تسلم ايديك | |
|
أم حبيبة
اعــلامــيــة مـنـتـدانـا
عدد المساهمات : 231
تاريخ التسجيل : 20/10/2010
العمر : 33
الموقع : WWW.arts-zag.TK
| | موضوع: رد: اسمى في الجنه يناير الأربعاء مارس 09, 2011 12:07 am | |
| ليس لدى ما اقوله الا انها.......
اكثر من رائعة
| |
|
mR_____naAgY
مــراقــب قـسـم الادب و الـفـنـون
عدد المساهمات : 95
تاريخ التسجيل : 25/02/2011
العمر : 33
| | موضوع: رد: اسمى في الجنه يناير الأربعاء مارس 09, 2011 4:44 am | |
| شكرا لتشريفكم اللى بعتز بيه دايما يا جماعه
نورتووووووووووووووووونى
| |
|
messi
طــالــب
عدد المساهمات : 11
تاريخ التسجيل : 01/03/2011
العمر : 32
| | موضوع: رد: اسمى في الجنه يناير السبت مارس 12, 2011 5:37 am | |
| ]b]لا بجد روعة يا ناجى تسلم ايدك
اسمى فى الجنة يناير
لالالالالالالالالالالالالا
كدة انا مش خايف عليم
محمد حامد[/b] :arrow: | |
|
