انت عارف فاضل كام على رمضان؟
مش مهم كام...!!
المهم انجزت ايه عشان تستعد له
عشان مش يضيع منك زي كل سنة
كل عام بنقول لما ييجي رمضان هنعمل و هنسوي
بس اول ما يدخل مش بيبقى عندنا شحنة ايمانية قوية
تدفعنا للخشوع و ختم القرآن اكثر من مرة
و بنفضل اول اسبوعين بنجاهد نفسنا لسه في الحفاظ على الصلوات
ليه كده؟!!
ليه مدام عندنا لسه فرصة نضيعها... و يضيع معاها رمضان كمان
مش يلا بقى كفاية كسل و ابدأ بنفسك
التغيير مش بييجي في يوم و ليلة
و لا من قراءة قرآن مرة واحدة
و لا من كتر الاستغفار في يوم و تاني يوم و لا حاجة
لازم كل يوم منتستغناش عن الفضائل دي
ابدأ من دلوقتي و افتح صفحة جديدة مع ربنا
و بصدق بقى كفاية تسويف و كسل
اسجد لربنا و قوله اهــديــني يــا رب
اعزم على الحفاظ على الصلاة
و على ورد يومي عالاقل صفحتين في اليوم
و الاستغفار عالاقل 100 كل يوم
و متنساش ان افضل الاعمال عند الله ادومها و ان قل
ها... هتقوم و الا لسه بتقول بكرة ابتدي ؟
استعيذ بالله من الشيطان الرجيم
و قول لربك منايا اوصلك يآآآآآ رب
و عجلت اليك ربي لترضى
